Мобильный путеводитель по Национальному парку «Сайрам-Угам» представляет собой удобный инструмент для навигации по живописной территории национального парка. Позволяет ознакомиться с месторасположением: вершин гор, стоянок для отдыха, приютов, проложенных маршрутов. Рекомендуется для установки на мобильные устройства всем потенциальным посетителям. При помощи данного программного продукта вы сможете определиться с маршрутом следования в походе и избавитель от опасности заблудится на незнакомой вам местности.
17–23 маусым аралығында Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің төрағасы Данияр Тұрғамбаев жұмыс сапарымен Сайрам-Өгем мемлекеттік ұлттық табиғи паркінде болды.
Сапар барысында табиғи кешендерді қорғау, биоалуантүрлілікті сақтау, экологиялық туризмді дамыту және ұлттық парк инфрақұрылымын жетілдіру мәселелері қаралды. Ерекше қорғалатын табиғи аумақты тиімді басқару, табиғат қорғау заңнамасының сақталуы және өңірдің бірегей экожүйелерін сақтау жөніндегі іс-шараларды іске асыру мәселелеріне баса назар аударылды.
Жұмыс сапары аясында Д.Тұрғамбаев ұлттық парк құрылымдық бөлімшелерінің қызметімен танысып, мекеме басшылығы мен қызметкерлерімен жұмыс кездесулерін өткізді. Сонымен қатар парк аумағындағы негізгі табиғи және туристік нысандарды аралады.
Сапар қорытындысы бойынша табиғат қорғау қызметінің тиімділігін арттыру және ұлттық парктің туристік әлеуетін дамыту бағытындағы алдағы жұмыстардың басым бағыттары айқындалды.
Жұмыс сапарының нәтижесінде Сайрам-Өгем мемлекеттік ұлттық табиғи паркіндегі табиғат қорғау іс-шараларының қазіргі жай-күйіне бағалау жүргізілді. Жоспарланған іс-шаралардың сапалы әрі уақтылы орындалуын қамтамасыз ету жөнінде нақты тапсырмалар беріліп, табиғат қорғау қызметін одан әрі жетілдіру және парктің туристік әлеуетін дамытуға бағытталған практикалық ұсынымдар айтылды.
Түркістан облысы, 2026 жылғы 20 маусым Қазақстан Республикасы Премьер-Министрінің бірінші орынбасары Нұрлыбек Налібаевтың төрағалығымен «Сайрам-Өгем» мемлекеттік ұлттық табиғи паркінің аумағында экологиялық туризмді дамыту мәселелері бойынша алғашқы көшпелі кеңес өтті. Жұмыс сапарына Қазақстан Республикасы Экология және табиғи ресурстар министрі Ерлан Нысанбаев, Түркістан облысының әкімі Нұралхан Көшеров, Шымкент қаласы әкімінің бірінші орынбасары Кәрімов Айдын, салалық мемлекеттік органдардың басшылары, жергілікті атқарушы органдар мен бизнес өкілдері қатысты. Сапар барысында қатысушылар ұлттық парк аумағында экологиялық туризмді дамытуға және заманауи туристік инфрақұрылым құруға бағытталған перспективалы инвестициялық учаскелермен және жобалармен танысты.
2026 жылдың 5 маусым күні Дүниежүзілік қоршаған ортаны қорғау күні мен «Таза Қазақстан» экологиялық акциясы аясында Түлкібас ауданының Орталық саябағында «Парктер шеруі – 2026» табиғат қорғау акциясының қорытынды іс-шарасы жоғары деңгейде өткізілді.
Облыстық деңгейде ұйымдастырылған шараға 200-ден астам адам қатысып, жоғары оқу орындарының студенттері мен оқытушылары, мектеп оқушылары мен ұстаздары, экологиялық ұйымдардың тәрбиеленушілері және ұлттық парк қызметкерлері бас қосты.
Іс-шара Қазақстан Республикасының Әнұранымен басталып, қатысушыларға табиғатты қорғау, қоршаған ортаға жанашырлықпен қарау жөнінде тағылымды ойлар айтылды. Жастар ән шырқап, би билеп, көркем сөз оқып, табиғатқа деген сүйіспеншіліктерін өнер арқылы жеткізді.
Екі айдан астам уақытқа созылған «Парктер шеруі – 2026» акциясына белсенді қатысқан білім беру мекемелері мен ұйымдар алғыс хаттармен және естелік сыйлықтармен марапатталды. Сонымен қатар қатысушыларға ұлттық парк туралы ақпараттық материалдар таратылды.
Іс-шара соңында орталық саябаққа жас ағаш көшеттері отырғызылып, тазалық жұмыстары жүргізілді.
Авторы: Экологиялық ағарту және туризм бөлімінің экологиялық ағарту инженері- Қ.Бердиева
Қазақстан Республикасы Экология және табиғи ресурстар министрі Е.Н. Нысанбаевтың қолынан «ҚР Экологтар күні» және «Дүниежүзілік қоршаған ортаны қорғау күніне» орай ұйымдастырылған салтанатты іс-шарада Сайрам-Өгем мемлекеттік ұлттық табиғи паркінің мектеп орманшылығының мүшесі, №14 Айбек атындағы жалпы білім беретін мектептің 9-сынып оқушысы Кудратуллаев Алишер Тимурович марапатталды.
Алишер табиғатты қорғау ісіне белсенді араласып, экологиялық мәдениетті қалыптастыруға өз үлесін қосып жүрген жас буын өкілі. Ол 2025 жылдан бастап «Таза Қазақстан» жобасы аясында құрылған «Жасыл ел» клубының мүшесі ретінде көптеген экологиялық бастамаларға қатысып келеді.
Ағаш отырғызу,
Көшет өсіру,
Аумақтарды тазалау,
Экологиялық акциялар мен сенбіліктерге қатысу арқылы табиғатты қорғаудың маңыздылығын өз қатарластарына насихаттап жүр.
Алишер қоршаған ортаға жанашырлықпен қарап, табиғи ресурстарды сақтау мен орман байлығын қорғауға ерекше қызығушылық танытады. Болашақта өз өмірін экология және орман шаруашылығы саласымен байланыстыруды мақсат етеді.
Табиғатты аялауды өмірлік ұстанымына айналдырған, экологиялық сауатты әрі белсенді жас азаматтың жетістігі – барша жастарға үлгі.
Алишерді лайықты марапатымен шын жүректен құттықтаймыз! Жетістіктерің көп болып, табиғатты қорғау жолындағы еңбегің әрдайым жемісті болсын!
Болашақ экологтарға Сайрам-Өгем МҰТП-не экскурсия ұйымдастырылды 2026 жылдың 28 мамыр күні сағат 10:00-де «Абай атындағы Қазақ ұлттық педагогикалық университеті» КеАҚ-ның 6В05202 – Экология білім беру бағдарламасының 2-курс студенттері үшін өндірістік тәжірибе аясында Сайрам-Өгем мемлекеттік ұлттық табиғи паркінде танымдық экскурсия өткізілді. Экскурсияға жалпы саны 57 студент пен 3 тәжірибе жетекшісі қатысты. Іс-шара барысында қатысушылар ұлттық парктің табиғи ерекшеліктерімен, биоалуантүрлілігімен, табиғатты қорғау бағытындағы жұмыстарымен және экотуризм мүмкіндіктерімен танысты. Экскурсияны Экологиялық ағарту және туризм бөлімінің экскурсоводы А. Тастанбеков жүргізіп, студенттерге ұлттық парктің табиғи байлығы мен оны сақтау бағытында атқарылып жатқан жұмыстар туралы жан-жақты мәлімет берді. Осындай танымдық іс-шаралар жастардың экологиялық мәдениетін қалыптастырып, табиғатты қорғауға деген жауапкершілігін арттыруға ықпал етеді.
Парк аумағында 11 туристік бағыт ұйымдастырылды, олардың паспорттары Орман шаруашылығы және жануарлар дүниесі комитетінің 2008 жылғы 1 сәуірдегі №93 бұйрығымен бекітілген.
