Сайрам-Өгем мемлекеттік
ұлттық табиғи паркі
ұлттық табиғи паркі
ҚР ЭжТРМ—нің Орман шаруашылығы және жануарлар дүниесі комитетінің 2023 жылғы 20 қарашадағы №27-4/263-НҚ «2023 жылдың жаңа жыл алдындағы кезеңінде қылқан жапырақты ағаш тұқымдыларының жас талдарын қорғауды үлкейту туралы» бұйрығын іске асыру мақсатында ұлттық парк қызметкерлері және құқық қорғау органдарымен бірлесе отырып парк аумағымен қоса күзет аймақтарында арша және басқа да қылқан жапырақты ағаш тұқымдыларының жас талдарын, көшеттерін қорғау, сақтау мақсатында паркке іргелес жатқан елді мекен тұрғындарына түсіндіру жұмыстарымен рейдтік іс шаралар жүргізілуде.
Түркістан көпсалалы - техникалық колледжі базасында “Қазақстандағы туризмнің даму проблемалары” тақырыбында дөңгелек үстел болып өтті. Жиын барысында өңірдің өзекті мәселелері, туризмнің салалары тақырыбын жан-жақты талқылау, туризмді дамытудың мүмкіндіктері мен кедергілерін қарастыру сынды өзекті мәселелер талқыланды. Дөңгелек үстелге Төлеби аудандық Аймақтық ақпараттық экологиялық саяхатшылар орталығының директоры Алихан Абдешов, ұлттық парк мамандары мен колледж оқытушылары мен студенттері аталған мәселелер төңірегінде сөз қозғады. Сонымен қатар, зум арқылы Түркістан облысы Қолөнер колледжінің студенттері қатысты.
2023 жылдың 23-24 қараша күндері Шымкент қаласында Біріккен Ұлттар Ұйымының Даму Бағдарламасының (БҰҰДБ) «Биоәртүрлілікті қаржыландыру шеңберінде» туроператорлар, гид-экскурсоводтар, ЕҚТА қызметкерлері үшін «Экологиялық туризм стандартын қолдану бойынша» семинар өткізілді. Оған қоса, Орман шаруашылығы және жануарлар дүниесі комитетінің «ЕҚТА» басқармасының басшысы Е.Т.Дүйсекеев Сайрамсу орманшылығында орналасқан құрылыс нысандарымен, БӨБ-ін автоматтандыру және турмаршруттың абаттандыру жұмыстарымен танысты.
17.11.2023ж. “Экология, өлкетану және туризм орталығы” КММ-нің ұйымдастыруымен ұлттық парктің Сайрамсу шатқалында педагог қызметкерлері арасында туризмді насихаттау, туристік ептілікті шыңдау, салауатты өмір салтына баулу мақсатында мекеменің экскурсовод-жүргізушісі А.Тастанбековпен бір күндік туристік жорық ұйымдастырылды.
