Сайрам-Өгем мемлекеттік
ұлттық табиғи паркі

Сайрам-Өгем мемлекеттік ұлттық табиғи паркінің көрікті орындарының бірі – Сілбелі көлі. Табиғаттың әсем үйлесімін паш ететін бұл көл мөлдір суымен, таза ауасымен және айналасын қоршаған таулы көрінісімен ерекшеленеді. Көл – табиғат аясында тынығып, қоршаған ортаның әсемдігін сезінуге мүмкіндік беретін ерекше мекен. Мұнда келген әрбір жан табиғаттың тыныштығын сезініп, ерекше әсерге бөленеді. Табиғат – баршамызға ортақ қазына. Сондықтан Сілбелі көліне саяхат жасағанда:  Қоқыс қалдырмаңыз;  Отты тек рұқсат етілген орындарда жағыңыз; Өсімдіктер мен жануарлар дүниесіне зиян келтірмеңіз; Табиғатты таза күйінде сақтауға өз үлесіңізді қосыңыз. Табиғатты аялау – әрқайсымыздың азаматтық міндетіміз. Келешек ұрпаққа саф табиғатты аманат ету – ортақ жауапкершілігіміз. Сайрам-Өгем мемлекеттік ұлттық табиғи паркі – табиғатты танып, қорғауға шақырады! #СайрамӨгем #СілбеліКөлі #ҰлттықПарк #Экотуризм #ТабиғаттыАяла #ТазаҚазақстан #KazakhstanNature #EcoTourism #VisitTurkistan

  

Тамшылатып суару жүйесінің енгізілуі нәтижесінде су ресурстары тиімді пайдаланылып, топырақ ылғалы тұрақты сақталады. Соның арқасында жеміс ағаштарының өсуі жақсарып, өнімділік пен жеміс сапасы артты. Бұл жоба табиғи ресурстарды ұтымды пайдалану мен орман шаруашылығын тұрақты дамытуға бағытталған маңызды қадам болды.

 

2026 жылғы 25 маусымда Сайрам-Өгем мемлекеттік ұлттық табиғи паркінің Ғылым, ақпарат және мониторинг бөлімінің аға ғылыми қызметкерлері Оңтүстік Қазақстан медицина академиясының Фармация ғылыми-зерттеу зертханасының мамандарымен бірлесіп Сайрамсу орманшылығының Талдыбұлақ шатқалында дәрілік өсімдіктердің ресурстық қорын анықтау мақсатында ғылыми-зерттеу жұмыстарын жүргізді. Зерттеу барысында өңірде өсетін дәрілік өсімдіктердің түрлік құрамы, таралу аймағы, қоры мен табиғи жай-күйі бағаланып, ғылыми деректер жинақталды. Мұндай зерттеулер табиғи ресурстарды ұтымды пайдалану, биоалуантүрлілікті сақтау және дәрілік өсімдіктерді ғылыми негізде қорғау бағытындағы маңызды жұмыстардың бірі болып табылады. Табиғатты бірге қорғайық! #СайрамӨгем #ҰлттықПарк #ҒылымиЗерттеу #ДәрілікӨсімдіктер #Биоалуантүрлілік #ТабиғаттыҚорғайық

   

Оқу-жаттығудың негізгі мақсаты – азаматтық қорғаудың мемлекеттік жүйесіне кіретін басқару органдарының, күштері мен құралдарының өрт қауіпті кезеңдегі іс-қимылдарға дайындығын арттыру, сондай-ақ табиғи өрттер мен өзге де төтенше жағдайларды жою кезінде қызметтердің өзара іс-қимылын жетілдіру. Іс-шара барысында күштер мен құралдарды басқару алгоритмдері, мүдделі қызметтердің өзара үйлесімді жұмысы, жедел ақпарат алмасу тәртібі пысықталып, шартты табиғи өртті сөндіру бойынша практикалық іс-шаралар өткізілді.

 

«Заң мен Тәртіп» тұжырымдамасы аясында Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Түркістан облысы бойынша департаментінің бастамасымен «Қауіпсіз демалыс» атты көшпелі акция ұйымдастырылды. Іс-шараға Түркістан облысының Төтенше жағдайлар департаменті, Полиция департаменті, ұлттық парк қызметкерлері және жергілікті атқарушы орган өкілдері қатысты. Акция барысында демалушыларға табиғат аясындағы қауіпсіздік ережелері түсіндіріліп, өрт қауіпсіздігін сақтау, қоқыс қалдырмау және белгіленген бағыттардан шықпау жөнінде ақпарат берілді. Сонымен қатар арнайы жадынамалар таратылып, төтенше жағдайлардың алдын алу бойынша түсіндіру жұмыстары жүргізілді.

 

Туристік бағыттар жөнінде ақпарат
Парк аумағында 11 туристік бағыт ұйымдастырылды, олардың паспорттары Орман шаруашылығы және жануарлар дүниесі комитетінің 2008 жылғы 1 сәуірдегі №93 бұйрығымен бекітілген.